වැස්ස වී වහින්නම්...

මේක ලිව්වේ බලපු චිත්‍රපටියක් නිසා හිතට ආපු සිතුවිල්ලකිං

ගෙවීගිය දින වලට..
අරුත් එක් කරලන්න...
සුසුම් සිද බිද දමා...
දිරිය ඔබ දුන්නාද....

සැනසුමක් නොමැති තැන
සැනසුමක් ගෙනදෙන්න...
කදුළු බිදු ඔබ අරන්...
මට සිනහා දුන්නාද.....

සතුට සැනසුම පතා...
හැමදාම හමුවෙන්න....
පැමිණි ඔය නෙත් අගින්..
කදුළු කැට වැටුනාද....

දුර ගියත් මා විටෙක....
මෙලොව ඇති හැම සැපත...
ඔබෙ ලොවේ හැමදාම...
මට සින්න කෙරුවාද.....

නමුදු ඔය පපුතුරේ...
නොපෙනෙනා ගැඹුරු තැන..
දුක් සුසුම් හිරකරන්...
මට සතුට දුන්නාද....

දැනුනු දින කරුණු මට...
වෙනසකුදු නොපෙන්වා...‍
හුරු පුරුදු සෙනේහය...
යලි යලිත් පිදුවාද.....

ආදරය දැනුනු විට
තුරුල් කර උනුහුමට....
නුඹ මගේ රත්තරන්...
කියන්නට හිතුනාද....

සිඹින්නට මට වරක්...
තිත්ත කළුවර රෑක...
වැස්ස වී වහින්නම්...
තෙමෙන්නට එනවාද...