අමනාපය දැනේ යසට

මේක ටිකක් සමීප සිදුවීමක්..
කියවලාම බලන්න

අහංකාර බැලුම් මැදින්
සිනා සලන ගමන රුසිරු...
හදේ රැදුනු රුව ඇයමයි..
සිතේ මියුලැසිය පියකරු....
වහං වෙලා තව ඩිංගක්...
ඒ දෙනෙතට එබෙන අයුරු....
කියා දෙන්න ඉඩ දෙනු මැන..
හිතේ රැදුනු පෙම විසිතුරු.....

මලගිය ඇගේ කථාව

වැහි බර දිනකි හැන්දෑවත් පසු ...................................වෙන්නේ.....
වැඩ නිම කරන් නිවසට නොවැ මා .............................යන්නේ.....
සයිකල් කටුව පිටිපස්සෙන් ......................................ඇඹරෙන්නේ....
වැහි දා විතරමද පැච් මට සෙට් ...................................වෙන්නේ........

ටයර් කඩ සොයා මාවත .........................................පීරන්නේ.. .....
එනමුත් එකදු කඩයක් නෑ සෙට් ..................................වෙන්නේ.....
වෙනදා ඇති කඩත් වැස්සට ......................................වසමින්නේ.... ..
මුදලාලිලා ගෙයි ඇදවල් .........................................පෙරලන්නේ. ....

අක්කන්ඩියේ සමාවෙයන්

සක්මන් කල තැන් බෝ වැඩි ....වෙන්නේ....
මන්මත් හරසුන් වැකි ...........තෙපලෙන්නේ.....
සන්සුන් සිත ඇගෙ චංචල ........වෙන්නේ.....
අක්කන්ඩිය හිත නොහොදෙනි ...ඉන්නේ...

එක් වදනක් තව දුරදිග......... යන්නේ...
ඉන්පසු කෝපය ඉහටම .........එන්නේ...
හුරතල් වචනෙට තිත ............තබමින්නේ.....
රොස් පරොසින් නොවැ මට .....අමතන්නේ....

කොම්පියුටරයයි ඔයයි

පිටත දත්ත කොම්පියුටර් කොටස් වලට ගෙනිහින් දෙන...
අකුර අකුර ගලප ගලප අපිත් ඔහේ ටයිප් කරන.......
කිසි වරදක් නැතත් ඒකෙ අපිටම නිතරම වැරදෙන.....
යතුරු පුවරුවක් වාගෙයි ඔබෙ ආදරෙ මෙමට පුදන....

එහා මෙහා හොලව හොලව අත යට සිට දවස ගෙවන...
ඇරෝ එකෙන් ලොකු වින්ඩෝ දහස් ගනං ඕපන් වෙන...
විධානයට පමණයි වැඩ... ක්ලික් නොකලොත් ඔහේ දුවන....
මූසිකයක් වගේ හිතෙයි ඔයාගෙ හිත වෙලාවකට.........

විභාගයෙන් පසු ඔබට ලියමි

දින ගැන ගැන හිත ලතැවුන..
විභාගෙ ඔබෙ ඉවර වෙන්න....
ඒ පැතුමට කල් පිරිලා..
අළුත් පණක් ඇගට එන්න....
සිහින ලොවින් ඉගිල්ලිලා
පියවි ලොවේ මුනගැහෙන්න....
මං එනවා ඔය නෙත් දෙක..
ලග මොහොතක් නතරවෙන්න....

ඔබ චපලමයි

වැඩි ආදරේ හදට දුන්නේ ඇයයි...
මගෙ ජීවිතේ ආදරේ කැඩපතයි...
හරසුන් වදන් හද කොනෙන් ඉගිල යයි...
වරදක් නැතත් මටම මං වැරදිමයි......

වැහිදාට පායන්න හැඩුවේ ඔබයි..
පෑවිල්ල වැඩිදාට බැන්නෙත් ඔබයි...
නිදි යහනෙ හොද හීන සිතුවම් මැවෙයි..
නැගිටින්න බෑ තවම මං අසරණයි....

දුරු රටක තනිවී

සිටි නමුත් දුරු රටක සිරිලකෙන් වෙන් වෙලා...
ඇති උනත් යස ඉසුරු හිත තවම මැලවිලා...
සතුට නෑ කිසි දිනෙක හිරු මගේ සැගවිලා....
පණ මගේ ඔබ නැතිව.. මං මෙහේ තනිවෙලා.....

මල්ලියෙ

කොලොම්පුරේ සිදාදියක උඹ උන්නට උජාරුවට..
ගම් පැත්තේ කාන්සියට මට කවුරුත් නෑ තනියට...
ඉස්සර වගෙ ඇලේ දොලේ දුව පැනලා හිනා වෙන්න...
ගමට ඇවිත් යන්න වරෙං සුදු මල්ලියෙ සති අන්තෙට....

ගමේ පුංචි ඉස්කෝලෙන් ලොකු විභාග ගොඩ යන්නට..
ටවුමෙ ලොකුම කොලීජියට ඇන්න ගිහිං පොඩි කාලෙම...
අම්මා අප්පා බෝඩ් කලත් කොළඹ රටේ ලොකු තැන් වල...
කිරි සුවදින් උඹ හිනැහුන හැටි සිහිවෙයි පොඩි අයියට....... 


සරම් කමිස ඒ කාලෙම උඹ පාරේ නොම ගියාට...
පැදුරට කොට්ටයට නින්ද කවදාවත් නොආවාට.....
ටී ශර්ට් එකෙ ඇගට හිරට කිටි කිටියේ තද උනාට...
යකඩ කදං උස්සාගෙන හැන්දෑවට දැගලුවාට......

පුරං නොවී කුඹුරු යාය මහ ඉහලින් අස්වද්දන...
තවමත් රජ දරුවො වගෙයි රජකම වන් අපෙ ගොවිතැන..
හැන්දෑවට විස්කි බ්‍රැන්ඩි මේ පලාතෙ නැති උනාට..
කිතුලෙ තලා ගෙනෙනා අම රසක් ඇහැකි උඹට බොන්න...

කාසි බාගෙ අතට අරං උඹ ලොකු කන්තෝරු වලට...
ටැලිපෝනය එහෙට මෙහෙට හරවා හරවා කෑ ගැහුවට....
හරකා බාන දක්කාගෙන යල කන්නෙට සිරියාවට....
කෙවිට අරං හැන්දෑවට මං තවමත් ඒ කමතෙම.........

වතුර විස වී

පැල්පත් රජ මැදුරු හැම දන නිතර බොනා...
කුල්මත් නොවන දිවි රැකෙනා දියරෙ වෙනා....
තැන්පත් සිසිල බඩගින්නට පමා දෙනා.....
උල්පත් දිය බිදින් සසරම කෙටි කෙරුනා.......

වැලිවේරියේ පින්බිම රැක සිටි අලියා....
දින දින ජලය මගහැර තිබහෙන් සිටියා....
මිනිසුන් නොදත් සිව්පා සතෙකුගෙ හැකියා...
වතුරට විසක් කලවම් යැයි දැන හිටියා........

පවනේ වේගයෙන් විහිදෙන පුවත අසා....
වැලිවේරියේ අවටින් නැගුනා ගෝසා......
වගකිවයුත්තගේ දොරටුව ගිහින් වසා.....
ජන හඩ නැංවුවා නීතිය නිහඩ නිසා........

මහ සගරුවන ඇරඹූ කල උපවාසේ.........
ටීවී රේඩියෝවෙන් පෙන්විය දේසේ.........
රට කැළඹිල්ල වැඩිවීගෙන එයි රළ සේ....
එනමුත් බලය ඇති අය සැතපේ සිත්සේ......

උපවාසයේ අරමුණ හඩ වැකුනු කල...
පිහිටට ආවමුත් රජුගේ ඇදුරු කැළ.....
ගුන්ඩුව දමා ගියමුත් දිනකින් එ.රැළ...
අලුයට ගිනි ලෙසින් පිබිදී නැගුනි බල.....

අවසන මහා ජන ගංගාවකි ආවේ.....
වැලිවේරියේ මහ වීදියෙ පොර කෑවේ....
ජීවිත නසන විස ජලයේ හැටි කීවේ.....
එනමුදු බැටන් පොලු පහරෙනි සැලකූවේ....

මොහොතින් මොහොත සටනට දන ඇදෙන කල...
ඇරයුම් රැගෙන සෙන්පතිගේ රකුසු කැළ......
ජන හඩ පරයමින් ගෙන ආ අවියෙ බල......
පෙන්වා පටන් ගති යුද බිම එකලු කල...........

ඉදිරියෙ ඇදී එන්නා අය පසු බසිනා.......
පසුපස හැරී දුවනා අය මග වැටෙනා..........
දරු මුනුබුරන් වැඩිහිටියන් නොම තකනා........
වෙඩි උන්ඩයට නෑදෑකම් ඇති නොවෙනා......

එහෙ මෙහෙ වැදී සමහරු බිම වැටෙන විට....
ලගටම ඇවිත් දෝතම බදලා හිසට......
ලැබෙනා පොලු පහර කාගෙන දුවන්නට....
අසමත් වෙතොත් මව් සිහිකර දෙසන්නට......

හෙට ලොව දිනන රටටම සවියක් ගෙනෙන......
පිරිසිදු ජලය ඉල්ලා මග තොට රැදෙන......
හිරිමල් තුරුණු ජීවිත මෙහි ඇවිද එන...
මිලිනව දෙනින් යන්නේ මොනවද රැගෙන ?

උස් මිටි තැනේ වෙනසක් නොම බලමින්නේ.....
රැස්වී මිනිස්සුන් මොනවද දොඩවන්නේ......
දැන්වත් බිදක් රැස්වී මෙහි බලපන්නේ........
අප කතිරයෙන් නොවැ උඹලා වැජඹෙන්නේ.....

Wonder

දෙදහස් දහතුන වසරක් ලැබුනා කට්ටිය එහෙ මෙහෙ බලමින්නේ...
පෙරදිග මුතු ඇට දනන් ලෙසින් අපි ආස්චර්යෙටයි පිය මැන්නේ....
බක්මහ සමයත් නොදැනිම ලබලා ආර්ථිකේ ෆුල් කෙලවෙන්නේ.....
වැඩි වෙන දේවල් දැක්කම සිරිලක ජාතියමයි මට ඇමතෙන්නේ....!

සරිගම ගලපා සනිධප හදලා මොනවා කියන්නද නෑ දන්නේ...
ඉදලා හිටලා කවියෙන් ගලපා දුක් ගැනවිල්ලයි පවසන්නේ....
එහෙං වැඩි උනා මෙහෙං වැඩිවුනා මොකවත් නෑ නොවැ අඩු වෙන්නේ...
ආශ්චර්ය හින්දා දෝ මන්දා මටනං නෑ බං තේරෙන්නේ...........

මාසෙම මැරිලා දහඩිය පෙරලා පඩියක් ගන්නයි සෙට් වෙන්නේ....
ඒකත් අරගෙන නෝනත් එක්කං ශොපින් ටිකක් යන්නට යන්නේ....
රුපියල් දාහට ශොපින් බෑග් එක පිරවෙන එළවලු නැත දුන්නේ.....
ආශ්චර්ය හින්දා දෝ මන්දා මටනං නෑ බං තේරෙන්නේ...........

හාල් පිටි සීනී ලූනූ පරිප්පුද කරවල හාල්මැස්සෝ ගන්නේ.......
කිරිපිටි බිස්කට් ජෑම් බටර් ලොකු චීස් බැරල් පස්සට යන්නේ.....
ලොකු ලොකු වාහන විතරද මන්දා ෆුඩ්සිටි සරණං ගච්චන්නේ....
සතිපොල පැත්තේ සෙනග වැඩි වෙලා මටනං නෑ බං තේරෙන්නේ......

ළමයට කිරි ටික හදන්න දර නෑ ගෑස් ලිපයි පිහිටට ඉන්නේ....
මනුස්සයෝ මේ බලනවාකෝ ඔය සිලින්ඩරෙත් ඉවරම වෙන්නේ....
මාලෙට මුද්දට දෙවි රැකවරණයි බැංකුවෙමයි දෙන්නා ඉන්නේ...
කෙලපං කිව්වලු රත්තරනේ ඇයි උඹ දැං ටික ටික අඩු වෙන්නේ...

පෙට්‍රල් ඩීසල් අපට හොද නැතේ... හයිබ්‍රිඩ් වලටයි අපි යන්නේ....
නැතිනං මොකටද අහස උසට ඔය එක එක ඉන්ධන නග්ගන්නේ....
දුප්පත් ජාතික භූමිතෙලත් සුපිරියටයි ඉහලට නග්ගන්නේ......
වාහන විකුනා බස්වල යන්නද ලොක්කා අපහට ඉගි දෙන්නේ.......

ලෝක වෙලදපොල පෙට්‍රල් ඩීසල් උඩයනවා මුං කියවන්නේ.....
සූත්තරේකට කියලා හදලා කොලේ වහලා මෙහෙ නග්ගන්නේ.......
ටික දවසක් ගෙවිලා ගිය තැනකදි ආයේ ලොව තෙල් අඩු වෙන්නේ....
අනේ අනිච්චං අපෙ අංකල්ලා එවෙලෙට දොයි දොයි ගොරවන්නේ....

ඕවා මොනවද වස්තුව මගෙ පණ එන්නකො හවසට ගෙදර කියා......
කලින්ම උයලා වැඩ නිම කරලා නෝනී ඇත ඇගෙ දෙනෙත අයා.....
ටීවී හීටර් ප්‍රිජ් ලොකු මෝටර් ලයිට් බිලට කෙල කරන නියා.....
දහස් ගනං එනවා එන මාසේ ඔක්කොම විකුනමු මගේ දයා........

රස්නෙ වැඩි නිසා සිවිලිං පංකා දාගෙන ඉන්නා මැද සාලේ.....
පප්පා මම්මා හැන්දෑ ජාමේ නාට්ටියක් බලනා වේලේ........
එළකිරි .කොම් ලොග්වී සමහරු රේඩියෝව අසනා තාලේ.
යුනිට් අනූවෙං කොහොම කරන්නද හිරවෙනවා මගෙ පණ නාලේ...


වැඩිවෙන වේගෙට ඒ බිල් මේ බිල්... ඔළුව උඩින් දුං විසි වෙන්නේ....
සොච්චම් පඩියෙන් මේ හැම දෙයක්ම බේරං කොහොමද නැගිටින්නේ....
දරු මල්ලන් සමගින් ඉරිදාවක් තවමත් නෑ නිදහස් වෙන්නේ....
ඕටී දාගෙන කෙරුවත් තව නෑ වෙන ණය බේරන්නට වෙන්නේ....

දවසක් ගතවෙයි තව දවසක් එයි ලෝකය නං ඔහෙ කැරකෙන්නේ....
මොනවා කරනවද මොනවා වෙනවද ලංකාවේ නෑ තේරෙන්නේ...
කලින්ම නින්දට යන්නත් නෑ හිත හෙට එළි වෙනකොට කෙලවෙන්නේ...
අද රෑ දොලහෙං පසුවට මොනවා වැඩි වෙනවද තව නෑ දන්නේ....

බලාගෙනයි

සොදුරු රුවැත්තියකට හිත ඉගිලී යනවා........
ඇගෙ සුන්දර රූ සපුවට වල්මත් වෙනවා.......
චාටු බොලද බස් පාමින් හද ඉල්ලනවා..........
සොදුරු හීන සද එලියේ නිවා දමනවා................

බඹරු වගේ මල් වටේට පියඹන් යනවා.....
දෙබරු වගේ විදින්නමයි හිත දගලනවා.....
සොදුරු අදුරු පහසක නෙත් දෙක නවතිනවා....
කදුළු බිදක් වී මුලු දිවියම විදවනවා....................

තරුණ තරුණියන් හෙට දින ලොව අරගන්නා...........
කදිම අරුම දස්කම් මුලු ලොවටම පෙන්නා.............
අසම්මත ජලේ ගැඹුරට පිහිනා යන්නා.........
කදුලු කථා දහසක් මෙලෙසින් ඇරඹෙන්නා...........

සයුරු තෙරේ පෙම්බස් දෙඩුමට ආසාද...
උයන් මැදින් රිසි රිසි සේ ඇවිදිනවාද.....
හෝටල් බ්‍රෝකර් තවමත් අමතනවාද...
පිපෙන මල් තලා අදුරේ සගවනවාද ...?

දෙමාපියන් සෙවනේ හිදිමින් අදරින්නේ........
ගුනදම් සිප් සතරින් හෙට ජය ලබමින්නේ.......
දිවියේ ඇති වටිනාකම් නිති දැනගන්නේ.......
රිසිදේ රිසි කල දැනගෙන ඉටුකර ගන්නේ.....!!

කෙල්ලෙ

කනපිට හැරුනු සුදු කොලරය ඉස්සෙන්නේ...
කොත උස ගැසුනු කොන්ඩය වට ජෙල් වෙන්නේ...
ඇග හිර කෙරුණු නිළ ඇදුමකි ඇදගන්නේ.....
අදවත් නැතිද කලියෙන් අකුරට යන්නේ.........

පුසුඹින් සියලු විකසිත මල් පරදවනා.......
පෙනුමෙන් රූප රාජිනියන් ලෙස පෙනෙනා...
පැහැයෙන් රුවැති සුර අගනුන් දෙවෙනි වෙනා...
ඈතින් ඇදෙන එක් රුවකට හිත බැදුනා....

කොන්ඩය ලේය(ර්) කට්, ගෙතුමට නොහැකි වෙනා....
ගවුමත් උඩින් දනිහට , කොලු සිත් බිදෙනා........
ගස්සා පුළුලුකුල , දන මන ඔකද වෙනා......
තිබ්බා අඩිය ඇය , පාසල වෙත සැනිනා..........

කුමරිය පාඨශාලාවෙහි හිදින සද..............
කුමරුන් ඔහුට පසුපෙල වැඩ කරයි නද...
සිහිනෙන් මවයි ඈ සමගින් පසෙක හිද....
පෙම්බස් දොඩනයුරු ඇගෙ සවනට නිඹද.....

සන්සුන් රුවන් හද මන්දිර තනාලා.....
රන්වන් පාට සලුපිලි ගත ඔතාලා....
මන්මද කරන ගී වැල් නිති ගයාලා......
පින්වත් කුමරිගේ අත යමි පතාලා.....

පාටින් පාට කොල්ලන් ඉගි පා යන්නේ....
කුමරිට නෑ වගක් කෙලිදොලයෙන් ඉන්නේ...
ආඩම්බරය පමණයි ඇගෙ වැඩි වෙන්නේ....
එනමුත් කුමරු නැත සටනත් හැර යන්නේ....

ඉල්ලා ඇගේ අත ආදර බස් කියලා.......
දහවල් විවේකය වන විට මග රැකලා.....
කඩයෙන් ගත්ත ලොකු චොකලට් එක පුදලා....
කොල්ලා හදේ ඇති සිතුවිලි වචන කලා........

මේ මොන ජරාවක්දෝ ඔය මට දුන්නේ....
පිස්සුද ඔහෙට නෑ මට නං තේරෙන්නේ....
ලැජ්ජා නැද්ද තත්වය දැන හැසිරෙන්නේ...
ඔබගේ චාටු බස දැක නෑ රැවටෙන්නේ........

කෙතරම් පැමිනියත් දමමින් ඇවිටිල්ල......
කෙල්ලත් හරි ගනං වෙන්නෙම නෑ මෙල්ල.......
ලීවා ඇයට ආදර මගෙ රන් කෙල්ල..........
අහං ඉන්න මාගේ දුක් ගැනවිල්ල...........

ලොකු ලොකු කථා ලොකු ලොකු දේවල් කියලා.......
මගෙ දුප්පත් කමත් තුට්ටුවකට දාලා...........
රජ මැදුරකින් වැඩියත් පාමින් ලීලා........
මට නං වැඩක් නෑ මින්පසු ඔබ මාලා.........

අසරනකමට ආදරයක් කලේ නැතේ........
හිත රිදවමින් ඔබ ගැන තව සිතන් නැතේ...
යලි මගෙ හිතේ ඔබ ගැන කිසි දෙයක් නැතේ...
නොලැබෙන දෙයක් ලුහුබැද මට ථලක් නැතේ...

උ පෙල දිනුමටයි වැඩි සිත යොමු වෙන්නේ.....
මිතුරන් සමගිනුත් පොඩි ජොලියක් යන්නේ....
නෑ කිසි විටක ආදරයට බය වෙන්නේ....
උඹටත් වඩා හොද කෙල්ලෙකි බැද ගන්නේ....

වැලන්ටයින් බලාගෙනයි

පස්සට එළියත් වැටිලා උදයේ...
කොල්ලා වෙනදට බරටම නිදියේ.....
අද නං කලින්ම නැගිටන් ඇතියේ....
ලෑස්ති වෙනවා මූ ලහි ලහියේ.......

තුන්පාරක් පිහදාගෙන නාලා...
ශැම්පු බෝතලේ ඉවරම කරලා....
රේසර් දෙකකින් රැව්ලත් කපලා...
සැන්ට් එකේ මූ පතුලට බැහැලා.....

කලිසම අරගෙන ටැග් කඩලත් නැති...
ශර්ට් එකත් පෙට්ටියෙං අරං එති.....
අයන් කරයි කෝලමින් ගෙදර ඇති..
පුටු මේසත් අද මූට හිනා වෙති.....

මේ විදිහට සැරසෙන අපෙ කොල්ලා...
සපුමල් කුමරුන් හැඩ ගත් ඉල්ලා......
කසාදයක් කරගන්නට කියලා........
මව් පිය දෙන්නම ඔන්න බය වෙලා.....

ගෙදරින් ශේප්මන්ට් එක ලබමින්නේ....
ෆුල් කිට මරලයි පාරේ යන්නේ.......
‍මොනරු තුන් දෙනෙක් කරකවමින්නේ...
ටැක්සියකට අත පාමින් ඉන්නේ.......

පුස්තකාල අඩවියටයි යන්නේ...
නෑ නෑ ඒකත් පහු කර යන්නේ...
කොහෙන්ද මන්දා මූ නවතින්නේ...
පාක් එකට නේ කොල්ලා යන්නේ

කොන්ඩෙ ටින්ට් කරලා කොට කරලා...
දනිස්සෙනුත් උඩ සායක් ඇදලා...
ඒකත් තව උඩ යන්නට පලලා....
කෙල්ලෙක් එනවා කොල්ලා බලලා...

වයි මයි සුවිට් හාට් යූ ආර් ලේටිං.....
එපා වෙලා මට වීලා වේ ටිං.....
බලන්න මගෙ හැටි ‍මේකප් ඊටිං
යන්නෙ නැද්ද අද පාකින් වෝකින්...

පාක් එකේ අද ජෝඩු හැංගිලා.....
මොනවා කරනවද අහු මුලු හොයලා....
ඇතුලට යන්නේ වටපිට බලලා...
එලියට එන්නේ මූන රතු වෙලා...

ලෙට්ස් ගෝ ඩාලිං එම් සී පැත්තේ....
වැලන්ටයින් අද ඇයි සිහි නැත්තේ....
හානේ ඇත්තද මතකත් නැත්තේ...
කෝ එහෙනං මට මොනවද ගත්තේ....

ගන්න තමයි මේ එක්කන් යන්නේ....
ඇයිද පයිං මේ ටැක්සිය ගන්නේ.....
මගෙ සුදු මැණිකට මොනවද ඕනේ...
පණ ඉල්ලන්නකො ඒකත් දෙන්නේ....

ෆුල් හොල්මං අද එම් සී පැත්තේ....
වැලන්ටයින් ඩෙකරේටිං ඇත්තේ...
ගිෆ්ටින් අයිටම් ලාබම නැත්තේ...
මට හරි ආසයි ..යං ඒ පැත්තේ...

ඕ මයි ගොඩ් මේ බලන්න ඩාලිං...
ලව්ලි ටෙඩී හරි කියුට් මේක නං.....
ශැල් අයි ගෙට් ඉට් කෙල්ල ආස්කිං...
ශුවර් ශුවර් මයි ස්වීට් හාට් ටේක් ඉට්....

බලන්න හරි ලස්සන මේ ගවුම....
යාරෙට මහලා බාගෙට පැල්ම.....
ආසයි ගන්නට මේකත් දැන්ම...
මේකත් ගත්තා ගෙවන්න ඔන්න......

වැලන්ටයින් ඩේ සෙලිබ්‍රෙට් වෙන්නේ....
දන්නෙම නෑ දැං දවල් වෙලානේ....
අයි ඈම් හංග්‍රී ඉන්නම බෑ නේ....
කොහෙන්ද අපි අද ලන්ච් එක ගන්නේ...

පීට්සා හටි එකටයි දැං යන්නේ...
කන්න බැරි උනත් ගොඩ ගොඩ ගන්නේ...
වටේ ඉන්න උං හොල්මං වෙන්නේ...
කොල්ලගෙ පර්ස් එකටයි කෙල වෙන්නේ....

කාලා බීලා එළියට එන සද....
කොල්ල අහයි අපි මූවිස් බලමුද....
අනේ බෑ ඩියර් හරිම ටයඩ් අද....
මාව ගේ ලගින් ඩ්‍රොප් එක දෙනවද ?

ලස්සන දවසකි ගෙවිලා යන්නේ...
වැලන්ටයින් යයි නමකි කියන්නේ....
තෑගි තෑගි තව මොනවද ගන්නේ....
නැද්ද ඔයා මට මොනවත් දෙන්නේ ?

අනේ ඩියර් නෑ අමතක වෙන්නේ....
මෙන්න මගේ ගිෆ්ට් එක පිලිගන්නේ....
මගේ අතින්මයි එය නිමැවෙන්නේ.....
කාඩ් එකකි කොල්ලාට ලැබෙන්නේ....

මාස ගනං මූ හම්බ කරපුවා.....
ඕටී කරගෙන වැඩි වැඩි කෙරුවා....
බැංකුවෙ දාගෙන පොලියත් ලැබුවා....
අන්තිමෙ ඔක්කොම මේකිට පිදුවා....

වැලන්ටයින් කොල්ලනි අහගන්නේ....
කෙල්ලො ඔහොමමයි උඹ රවටන්නේ....
කල දැක පමණට වැඩ කරපන්නේ....
ලව් එක ගානට කරගෙන යන්නේ.....!