Pages

Sep 9, 2013

විභාගයෙන් පසු ඔබට ලියමි

දින ගැන ගැන හිත ලතැවුන..
විභාගෙ ඔබෙ ඉවර වෙන්න....
ඒ පැතුමට කල් පිරිලා..
අළුත් පණක් ඇගට එන්න....
සිහින ලොවින් ඉගිල්ලිලා
පියවි ලොවේ මුනගැහෙන්න....
මං එනවා ඔය නෙත් දෙක..
ලග මොහොතක් නතරවෙන්න....


ඉවසිල්ලෙන් සැනසිල්ලෙන්
වසර දෙකක් පහු කෙරුවේ...
ඔයාගෙ පාඩම් හින්දයි ..
මගෙ නෙත් දෙක නිදිමැරුවේ...
රෑ තුන්යම හීන ගෙනා..
ඔය රූ මතකෙට නැගුවේ...
කිසි වෙනසක් නෑ තවමත්..
ආදරෙ කවියක ලියවේ......

මල් කඩන්න රෑට රෑට ...
තහනම් කල විභාගයට...
හෙටින් පස්සෙ තිත තියලා...
අළුත් වැඩක් පටන් ගන්න....
අම්මගෙ දුරකථතන වලට..
එපා තවත් වද කරන්න.....
නව ජංගම දුරකථනය..
හැන්දෑවට අතට ගන්න......

නොදැක ඉන්න බෑ මට නම්..
සින්දු කියවෙනා යාමේ...
සදළුතලාවක තනිවී ..
ඔබේ නමයි මුමුනන්නේ.....
හෙටින් පසුව වසිනා නව..
වසන්තයේ වරුසාවේ...
තෙමී නටමු ඔබ එනවද...
ආදර කුමරිය මාගේ......

පාට පාට හීන ලොවක්
අළුතෙන් මට මවලා දෙන්න...
ඒ හීනේ දවස පුරා ..
ඔබ සමගින් තුරුල් වෙන්න...
සිහින ලොවේ රැජිනියනේ...
පතනෙමි හදවතින් ඔන්න...
දෙගුරුන් ආසිරි පතලා...
එක වහලක් යටට යන්න...






No comments:

Post a Comment