දුරු කතරේ රැකියාවක නිරතවෙන මා මිත්‍රයෙකුගේ සිතිවිලි...
ඉසුරු ගෙනෙන්නම් මැදුරු තනන්නට...
ප්‍රිය ලදුනේ දුරු කතර ගෙවා..............
දිගු කලකින් නොම දුටුවත් ඔය රූ....
සේයාරුවකින් හද සනසා.............
සිතට සහන් සුව ගෙනෙන ඔබේ හඩ...
දුරකථනයකින් මට ඇසෙනා.........
සදහට අපි අපගේ ලොව තනිවෙමු...
ඒ සුභ දින ලගදිම එනවා............
සුදු මුදු වත රැදි ...සිනා ගගුල් සිත..
ආදර හැගුමන් පුබුදනවා..........
නලල්තලේ වැටි රන්වන් කෙහෙරැලි...
චංචල හැගුමන් ඉපිදෙනවා...............
යහන්තලාවේ... සැතපී ඔබෙ රූ....
ඡායා මනසින් විමසනවා............
උදා ඉරක්සේ සැනෙකින් ඔය වත...
මා මනසේ සිතුවම් වෙනවා............
ඉසුරු ගෙනෙන්නම්......
ගිනි කතරේ දැවෙනා සිත දුබලයි....
නිතරම ඔය රුව සිහිවෙන්නේ...........
මා සනසා සිත් සුවපත් කරනට....
ඔය හඩ දුරකථනෙන් ඇසුනේ.....
රෑ නොනිදා දෙනුවන් රතුවී ඇත...
නමුදු සිතට සුව ගෙන දෙන්නේ.......
රෑ නිමවී වැඩ මුරයට යන්නම්.........
ආයේ හවසට අමතන්නේ.......
ඉසුරු ගෙනෙන්නම්........
No comments:
Post a Comment