Pages

Jun 24, 2013

ඔබ නැති බක් මාසේ ...

පැතුම් පතන්නෙමි ඔබව දකින්නට..
කල්පයකින් නොම දුටුවා සේ....
පහන් තිරෙන් නැග එන ආලෝකෙන්...
පෑන් තුඩින් කොලයක ලියැවේ.....
කොහෝ කොහෝ හඩ රාව නැගෙන්නේ...
පරිසරයෙම තුටු ගී රාවේ.......
සතුටින් සමරන අවුරුදු කුමටද...
කුමරියේ ඔබ නැති බක් මාසේ ...

දිවි සයුරේ ඔහෙ පාවී යනවා...
සහන් සුව නොලත් සිත මාගේ......
නිසල වීදියේ පෙර නව වසරේ...
කීව පෙම් කථා සිතට නැගේ......
නිදහස් නිවහල් ආදර රේඛා....
කුනාටුවක හසුවී වාගේ...
සතුටින් සමරන අවුරුදු කුමටද...
කුමරියේ ඔබ නැති බක් මාසේ ....

කිරි ඉතිරෙන සුභ අවුරුදු නැකතින්..
දෙහදක් ආයේ එක් වේ නම්.....
ලන්ව හිදින්නම් පෙර සේ හෙටටත්...
බිදුනු සිත සොයා පැමිණේ නම්...
‍ලස්සන ලොවකට හීන දකින්නම්..
ප්‍රාර්ථනා මල් සුපිපේ නම්....
ලොවේ අවමනින් ඔබ රැකගන්නම්...
සියළු දෙයට මා සූදානම්......




No comments:

Post a Comment