නිලියක් සොයමි

කඩවුනු පොරොන්දුව.. රේඛාව.. සුජාතා.. ඩිංගිරි මැණිකා.... ආදී ඉපැරණි චිත්තරපටිද... නොම්බර 17... සූරයන්ගෙත් සූරයා... තුශාරා.. මේ දෑස කුමකටද.... ජය සිකුරුයි.. ජය අපටයි.. ඔබටයි ප්රියේ ආදරේ.. රෝසි.... සහරාවේ සිහිනය ආදී 80 දශකයේ චිත්තරපටිද....
ආසයි මං පියාඹන්න... මන් ශොට් 1 , ලීඩර් , රෝස වසන්තය.. හාට් එෆ් එම්.. අංජලිකා... අබා... සිංහාවලෝකනය ආදි මෑත කලයේ අපේ කාලයේ චිත්තරපටිද...
රෑ ඩැනියෙල් දවල් මිගෙල් 1,2,3, පාර්ලිමන්ට් ජෝක්ස් , පිස්සු ඩබල් , පිස්සු ට්රිබල් ...
ආදී ඉතා සම්භාව්‍ය ගනයේ චිත්තරපටිද රැසකට සංගීත නිර්මාණයෙන්ද , සහය අධ්‍යයක්ෂනයෙන්ද , නිශ්පාදනයෙන්ද , ප්රධාන නළුවාගේ පාට් එකෙන්ද දායක නොවී.... ඒවාගෙන් සමහරක් පමණක් නැරඹීමෙන් සිරිලංකාවේ කළා කෙතට... අග්රගන්‍ය අනූපමේය අති විශිෂ්ඨ සේවයක් මා ඉටුකර ඇත..... ජෝ අබේවික්රමගේ පටන් ශනුදි ප්රියසාද් දක්වා සියල්ලන්ම මාව නාදුනනා බව ඇගෙව්වත් ඔව්න් ලංකාවේ ජීවත් වන බවද මම ඉතා අභිමානයෙන් ප්රකාශ කරමි. ලංකාවේ ප්රමුඛ පෙලේ නාලිකාවක විකාශය වූ ප්රාසාංගික සංගීත වැඩසටහනක අවසාන 150 000 අතරේ මා සිටි බව මා පවසන්නේ හද පිරි සතුටිනි... මා වැනි අයෙකු සිටීම ලංකාවට අභිමානයකි. ( මුන්ට මගේ අගයක් නෑ )

එවන් වැදගත් පෙෘර්ශයකින් හෙබි උත්තුංග දේහදාරී සිරුරක් ඇති මට... ඇන්ජලීනා ජොලී ‍ජොලි කරන්නට කථා කලාය..... බැරැක් ඔබාමා ඉරාකයට එරෙහිව අනුගමනය කරන දැඩි ප්රතිපත්තිය නිසා මා එය ප්රතික්ශේප කළෙමි.. අයිශ්චර්්‍යා ද , ප්රීති සින්ටා ද , රානි මුකර්ජී ද, ප්රියන්‍කා චොප්රාද... අර නාකි ගෑනි මධුරි ඩික්සිත් ද මගේ පස්සෙන්මයි මෙයා... ඉන්දියාව අපෙන් ලෝක කුසලානය උදුරා ගැනීමෙන් හටගත් චිත්ත සන්තාපය නිසා මා ඒ සියළුම ආරාධනා නිර්ලෝභීව ප්රතික්ශේප කළෙමි.


කල වයස හරි ගොස් ඇතැයි අපේ අම්මා කොපමණ කෑ ගැසුවත් මා එය ගණනකට නොගත්තේ මා තවමත් ඉලන්දාරියා බව මා දන්නා නිසාය.. වෙන උන් එක සිගරැට් එක අමාරුවෙන් අදිද්දී.. මා කිසිදු අපහසුවක් නැතිව දෙක තුනක් තවමත් ඉවර කරමි.... අව්රුද්දට, උපන් දින වලට සෙට් එක එකතු උනාම.. කනේ වැලි ගෑවෙන්ට තරම් ලග නමන වෙන එකෙක් වත් අපේ බජාර් එකේ ‍නොමැත. ලග නමා මා මාරු වන්නේ තැපැල් භීතියට මා තුල ඇති බිය නිසාම නොවේ... (නෑ ඒක තමයි ඉතිං ) එවන් ෆිට් කොල්ලෙක්ව සිටින මට දැන් දැන් බාරියකගේ අවශ්‍යතාවක් හටගෙන ඇත. ජීවිතේ‍ටම හත් අට පාරකට වඩා ලව් කර නොමැති මට කුළුදුල් ප්රේමයක අවශ්‍යතාවය තදින් දැනෙන්නට විය.
ලංකාවේ ස්තිරින්ගේ පඩ ශෝ නැරඹීමෙන් සිදුහත් කුමාරයාටත් වඩා මට ගිහිගෙය කළ කිරී ඇති නමුත් .. පෙළවහක් කරගැනීම ලංකාවේ නම ගිය අක්කා කෙනෙක් ( නිලියක් ) සමගම සිදු කිරීමට මම තීරණය කළෙමි. කොහොමත් උක්ත ඡේද වල සදහන් පරිදි මා තුල ඇති හැකියා ප්රමානය හා මාගේ පාංශු දේහදාරී සිරුරට පින්සිදු වන්නට පහසුවෙන්ම මට ඔය නිලියක් හා හාදවීමට හැකිය..... මා ඈ සමග පෙම් කෙලියේ යාමට ලොල් වෙමි.

"මීදුම් ගලා කන්දේ....
ඉවසන්න බෑ සීතේ...
උනුසුම් දැනේ දෑතේ...
ලංවී මට දැන් කියන්න ආදරේදෝ...
මට ආදරේ... දෝ........ "

කියා... සීතල නුවර එළියේ... මල් ගහක් වටේ කැරකෙන්නට මම ආසා වෙමි...

"ජීවන ගමන සංසාරේ" ගීතය ගායනා කළ නොහැකි වන්නේ මා ලග ‍කාර් එකක් නැතිව හෝන් එකක් පමණක් ඇති බැවිනි... අනේ අප යන මාර්ගස්ථ මගී ප්රවාහන අධිකාරිය යටතේ ලියාපදිංචි කර ඇති පෙෘද්ගලික බස් රථයේ රියදුරු මහතා මට ඒ බස් එකේ නලාව නාදය කරන්ට දී සහය වෙනවා නම්.....

නිලිය මාගේ වූවාට පසුව ඇය තව දුරටත් නිලියක් ලෙස වැඩකටයුතු කිරීම ගැන මගේ වැඩි පැහැදීමක් නැත... අනෙක් නලුවන් ඕනෑවට වඩා ඇගේ ඇග පසග අල්ලන්නට තැත් කිරීම ගැන මම පැහැදීමකින් නොසිටිමි. ( ඕවා අයිති මට විතරයි )

දරුවන් ලැබීම පිළිබදව ප්රසිද්ධ රැගුම් පාලක මණ්ඩලය යටතේ සාඛච්චා කිරීමට මා කැමැත්තෙමි. ඒ අනූව ඔව්න් නිර්දේශ කරන ආකාරයට කටයුතු කිරීමෙන් වැඩ පහසු කර ගැනීමට මා බලාපොරොත්තු වෙමි.

ලංකාවෙන් නිලියක් සොයා ගැනීමට නොහැකි වූවොත් බැංකි මූන්ට කියා සම්භාදක පනවා නිලියෙක්ව බලෙන් සරණ පාවා ගැනීමට මම කල්පනා කරමින් සිටියදී විදුලිය විසන්ධි විය...

යූපීඑස් එක අඩයි.... මැස්සන් ඇවිත් මොනිටරයේ වැදෙයි.. මාර දාඩියයි... ෆෑන් එක දැමිය නොහැක්කේ අමාරුවෙන් දල්වා ගත් කුප්පි ලාම්පුව නිවී යයි කියා මා තුල හටගත් අනියත බිය නිසාය..
අදට නවතිමි... ඔබ සොයා මම එන්නෙමී ආද‍රී... ම් ම්.......හ්ම්... හම්..