මනාලිය වී වෙන්ව යනවා

උදා හිරු රැස් තවත් දිනකට
පතිත කරනා අළුයමේ.........
හිතේ සැගවුන සියුම් රිදුමක්..
කකියනා දෙනෙතට දැනේ......

සුදෝ සුදු දිගු වේල් සළුවෙන්...
හැඩ වෙලා රූපය ඇගේ.....
මනාලිය වී වෙන්ව යනවා ...
මගේ පණ වන් ආදරේ...........

පෝරු මස්ථක පැතුම් පොදිබැද...
මාල හතකින් සැරසිලා...........
සිහින විමනම මගේ ගුලිකොට...
ඔහුගෙ දෑගිලි පැටලිලා..............
කදුළු බිදු නෙතු බොද කරන මුත්....
කාචයේ රූ මැදි වෙලා.........
ඔබේ සුභ දින ලබා දෙන්නම්...
රූප ඡායා අමුනලා.............



අතින් අල්ලා කෙසේ නවතම්....
ගමන අරඹන් ඔහු වෙතින්.......
සමරු සිතුවම් ලබාගන්නම්....
මාද රගමින් අභිනයෙන්......
සිහිනයක් වී ඇවිත් ඔය රූ ...
අවදි වී නැති වූ ලෙසින්.........
සුභපතන්නම්... කිරුළු පළදන්..
කැදැල්ලක හිද සිත් තොසින්..