Pages

Jun 24, 2013

දියනියනේ...

දියනියනේ... මා දියනියනේ...

සැදෑ අදුර එබිකම් කරනා විට...
සිප් සත් හරඹය අවසන් කොට නුඹ..
වීදි දිගේ ඇවිදන් එන යුරු දැක..
හද කොන හටගත් දුකින් තැවෙමි මම....
දිවා රැයේ නිවනක් නැති වෙහෙසින්...
මුර කුටියේ දොර කවුලු අභියසින්...
නැගෙන නුඹේ මුදු කොමළ සිනා කැන්...
සනහයි සිතරැදි විඩා බර හැගුම්........
පොත් මිටියක් දෑතින් ගෙන අල්ලා....
පොඩි කුඩයක් පසෙකින් අත රැදිලා...
මෘදු සිනහවකින් මුව පොඩි සරසා....
මගේ දිවිය යලි මා වෙත ලැබිලා........
අසරණ නුඹගේ දිවි රැකගන්නට...
මතු නුඹ මට නැති සැප හැම ලබනට...
කිත් යසසින් දිවි එළිය ලබන්නට....
මුරකම සතුටක් හැගේ විටෙක මට...
තාත්තා හමුවී යන්නට ඇවිදින්...
හිස් දෑතින් ඇය කෙලෙස යවමි මං..

හිම කිරමක් මිල දී ගෙන සතොසින්...
නිවෙසට යනු මැන මගේ රත්තරන්....



මා දුට‍ු එක් සිදුවීමක් ඇසුරෙනි




No comments:

Post a Comment