මේකත් ටිකක් පරණ එකක්.. කියවලාම බලන්නකො.. කොන්දොස්තර මහත්තයෙක් ගැන තමා මේ...
කඩවත කොටුව කොටුව කඩවත කොටුව...
උදේ ඉදන් රෑ වෙනකං හඩ තැළුව.......
එන් ඒ තිහයි විසිඅට යයි නම දැරුව....
ලේලන්ඩ් එකේ කොන්දොස්තර මම දරුව...
කඩවත ඉදං කොටුවට අපි ගෙන යන්නේ...
වරක් ගියොත් තවත් වරක් ඔබ එන්නේ...
නෑ නෑ වසල කුප්පඩිකම් සිදු කෙරුනේ....
හොද නම රැකගෙනයි බස් එක රන් කෙරුනේ..
කොටුවෙ ඉදං කඩවතටම විසි පහය......
ආසනයක්ද ඔබ කාටත් හිමි වේය...
දක්වා සියළු සත් ගුණවත් උපමේය...
නග්ගා ගනිමි බසයට මහ ජනකාය....
සීට් එකේ දෙන්නෙක්ටම යා හැකිය....
දෙන්නට වාඩි වෙන්නට එහි ඉඩ ඇතිය...
ආදර ජෝඩු ඉන්නා විට ඉඩ වැඩිය...
නාකි මගුල් ඉදගත්තම කරදරය...
සිනා සිසි කීවත් රස බොලද කථා....
මිනිසා තමයි හදුනාගත නොහැකි සතා.....
පාපුවරුවේ ගමන හොදනෑ නේද පුතා..
ඇතුලට වෙලා තව ඉඩ ගමු සහය පතා....
හතරෙ කනුවටම දැන් අපි ලංවෙනවා....
එතන ටිකට් ගත් අය දැං බැස යනවා....
අළුත් පාලමේ ටිකට්ද මග එනවා....
ඊලග හොල්ට් එක නවතා බැස යනවා...
අන්න මචං කිරිල්ලවල එක එනවා...
පෑලියගොඩින් උ බස් එක නවතනවා...
නෑ නෑ මචං ඊලග හොල්ට් එක එනවා....
මේක කපලා ඒකට යමු ලේට් වෙනවා....
ගම්පහ නිට්ටඹුව ආවත් දා සද්ද....
ඇක්ස්ලේටරේ හිටගෙන පිඹලා විද්ද...
වැඩක් නෑ මචං උන්ගේ බොරු සද්ද...
අපි යං හෙමින් නවත්තන්න ඉඩ ඇද්ද ??
පනහක් දමා යාහැකි මේ සැප රථයේ..
එකසිය තිහක් මොන එකටද ගොඩ වැදියේ... ?
හා හා කමක් නෑ එහෙනං කිටි කිටියේ...
මැද පෙළ ටිකක් පස්සට යමු බස් රථයේ....
ලොක්කා හෙමිං යං බං තව වෙලා ඇත.....
කොස්සිනකුත් දුටුවා මම වෙලාවට
ඇරියත් ගිහිං පාගලා අර කොටුවකට...
නෑ බං ලැබෙන්නේ උඩ ටර්න් එක අපට...
හීනි සින්දුවක් දාලා ලස්සනට....
ටිකට් ටිකත් කඩලා ඇත ගානකට...
චෙකර් අයියා කිරිබත්ගොඩ ලස්සනට...
බස්එක නවත්තා කිච වෙයි හීනියට.....
ප්රයිවට් ක්ලාස් ඇරෙනා විට හැන්දාවේ....
පසුපස සීට් එක කෙල්ලන්ගෙන් බෝවේ....
යන්නට හිතත් චැට් එකකට හැන්දෑවේ...
නෑ උන් බලන්නේ මගුලකි ඇන්නෑවේ...
සිනා සිසී ඔබ හැමටම විහිළු කලා....
අද දවසත් ඇත ගෙවිලා හැන්දෑ වෙලා...
ටර්න් ටිකත් අද අපගේ ඉවර වෙලා...
ගල් කාලක් ගහලා යමු ගෙදර බලා..
No comments:
Post a Comment