Pages

Jun 9, 2015

විදිමි සදා වැලන්ටයින්

මේක මේ පාර පෙම්වතුන්ගේ දිනයට මගේ යාළුවෙක් වෙනුවෙං ලියපු එකක්

හුස්ම වැටෙන මේ සිරුරට...
ජීවිතයක් ගෙනත් දුන්න.....
දෑස් වැසෙන මේ සිරුරට..
සුව නින්දක් ගෙනත් දුන්න...
ආදරයේ හෝඩි පොතෙන්..
මට පාඩම් කියා දුන්න.....
පින්වතියේ ‍අදත් හෙටත්..
හැමදා මා ලගින් ඉන්න.....

සප්ත ස්වර මුසුව ඇසෙන....
තාලයකට පද ලියන්න.....
ඒ ගී පද සිහින් සරින්...
හද ගැඹුරට ගෙනත් දෙන්න....
සුහදිනියේ ඔය බැල්මෙන්....
තවත් වරක් වසග වෙන්න...
හෙටත් නෙත් අගින් හිනැහී...
රහසින් ඉගි සලා යන්න....

හිරුට අයිති ලෝ තලයේ...
හිරු කුමරිය නැගී එන්න....
සදුට අයිති රෑ අහසේ....
සදවත වී ඔබ දිලෙන්න....
උදේ දිවා රෑ තුන්යම....
මොහොතක් අමතක නොවෙන්න...
පාළු හිතට හීන ගෙනා...
කුමරියනේ... හිනා වෙන්න...

වසර පුරා නොම ලද පෙම..
එක දිනකට ගොනු කරන්න...
නවම් මහේ එක දිනයක්
බොලද පෙමින් හැඩ කරන්න...
විසිතුරු නෙක සාද වැලක්...
කුමටද ආදරේ ගන්න.....
විඳිමි සදා වැලන්ටයින්...
වරක් ආදරෙයි කියන්න....!





No comments:

Post a Comment